E’ stato inaugurato domenica 7 agosto, restaurato, il forte Lusérn – l'Obarforte, come lo chiamano i Cimbri. L'imponente fortezza, costruita ancora nel 1908, è stata oggetto di un importante intervento di recupero durato quasi 5 anni, volto a preservare l'integrità della struttura bellica dall'usura del tempo e degli agenti atmosferici. Gran parte dei lavori si sono concentrati sulla copertura del Forte, realizzata in modo tale da riportare l'edificio alla sua volumetria originale. Da oggi quindi tutto il caposaldo militare di Forte Campo sarà visitabile in piena sicurezza da turisti e appassionati.

 

In an barmen un schümman sunta von summar, atz 7 von agosto, balda Lusérn heft å zo vüllase au pitt laüt, izta khent gevairt ünsar Obarforte boda, dòpo viar långe djar arbat, tüat bidar offe, gåntz gesichart un vornaügart. Di Provintz vo Tria, no vor a par djar, hatt augehaltet un gezalt an groazan prodjèkt auzzorichta in Obarforte vo Lusérn, zoa azzar mage soin genützt 'z djar 2014 balma hatt gedenkht di hundart djar vo balda hatt ågeheft daz earst Bèltkriage. Di arbatn soinse però gezoget lengar baz da sèll boma hatt pensàrt, ma est soinsa pròpio verte. Pitt disan naüng prodjèkt, zuargètt von Kamou vo Lusérn zo macha in arkitétt Alberto Tomaselli vo Strigno no ’z djar 2009, izta khent ginump in di hent da gåntz toal von kasematte zo saübrase auz von låmmarn boda da no soin gest innbéne un zo machada drau a guatz tach zoa az nètt drinnreng un drinnsnaibe. Ditza groaz tach hatt asó geheft vo vil di maurn boda da soin gest umbromm ma hatt giböllt azta dar Forte khear zo håba da gealichege auzseng bodar hatt gihatt balda hatt auzgeprocht 'z kriage: defatti finn est hatta gemenglt halbe dar draite piåno un daz gåntz sber tach boda iz gest gimacht pitt zboa odar drai metre aisran botümm. ’Z izta o khent gemacht an naügar impiånto von liacht, zoa azma mage inngian åna zo tüanen bea. 'Z liacht bart khemmen ginützt balda bartn khemme hergerichtet  manifestatziongen un auzlegom. Dar arkitètt Tomaselli hatt gihaltet da kunt zo tüana offe in lån stoll boda di soldàn håm ginützt zo khemma fin abe affon Untarforte un vo sèmm fin nidar afte Vietz. An lestn allz iz gånt girecht un di arbatn, ågeheft no 'z djar 2012, soin khent zo khosta schiar an mildjù vo euro (954.385,00), di meararstn gidekht vo dar Provintz vo Tria (752.385,00 euro) un pittar hilfe vo dar Redjong Trentino Alto Adige-Südtirol (48.000,00 euro). Asó, in vorgånnate sunta dar Pürgairmaistar Luca Nicolussi Paolaz hatt gevüart a långa karovåna laüt nå in staigele von Groaz Kriage finn zo riva au attn Forte. Sèmm zo paitanen izta gest dar faff un dar kòro von Zimbar Kantör un alle panåndar håmsa inngebaiget disa groaza arnbat un gidenkht allz daz lezt boda di Lusérnar håm durch gemocht machan in di djardar von kriage. 'Z iz gest zait azta Lusérn o habe soi tòkko stòrdja, furse dar bichtegarste tòkko stòrdja von lånt, auzgerichtet zo magase zoang alln in laüt, lusérnar un nètt, boda zuarkhemmen alle di djar. Vor üs iz sichar eppaz z' soina stoltz, umbrómm dar Obarforte iz “biar”, au dom soinda ünsarne nóne, soine fadìng, ünsarne baibar, ünsar lånt.

(AVT)