Aus der Presse



24/04/2015
()

BOMBE SU LUSERNA

A tage zo gidenkha di hundart djar von Earst Bèltkriage atz Lusérn


A tage zo gidenkha di hundart djar von Earst Bèltkriage atz Lusérn

Luserna fu il primo paese del fronte austro-italiano che, allo scoppio della Grande Guerra, fu preso di mira dalle artiglierie italiane. Durante i primi giorni di bombardamenti fu distrutta la chiesa e furono gravemente ferite due donne, una era una ragazza di 16 anni che poi morì all’ospedale di Trento, la prima vittima civile del conflitto. Si ricorderà tutto questo a “Bombe su Luserna”, una giornata di commemorazione che fa parte del programma dei Dieci giorni del Centenario che si aprirà domenica 24 maggio con una cerimonia nella piazza del piccolo paese e con una passeggiata lungo il percorso Dalle storie alla storia che tra boschi di abeti e pascoli conduce al Forte Lusérn.

No vor zboa djar izta khent untargeschribet an arbattisch boda mochat supfan zo mövrase pittnåndar vor ploaze sachandar boda bartn khemmen gemacht vor in Centenario von Earst Bèltkriage in Trentino. Ünsarna Hoachebene un soine drai Kamoündar iz sa a baila bosa håm ågiheft auzolega un herzorichta sachandar vor disan zil. Bar bizzan boll gerècht defatti ke da Zimbar Hoachebene iz furse ummandar von plètz boda ‘z kriage hatt gelatt hintar vil: nètt lai di fört ma ploaz åndre stòrdje gipuntet dar earde un in laüt. Haür o, azpe vert, hattma in sinnt zo gidenkha ‘z kriage pitt ploaze auslegum, kontzèrte, bèrkstattn un konferetzn. Defatti di “operazione centenario”, asó hattmase gerüaft, durchgevüart vodar Provintz sèlbart, bill machan vorstian alln in laüt ke ünsarna earde, ünsarne laüt un ünsarne institutziongen håm nètt vorgèzzt bazta iz sutzedart vor hundart djar un ke ‘z iz djüst gidenkhan zoa nètt zo vela an åndra bòtta.

Djüst vor hundart djar, atz 23 vo madjo von 1915 ‘z Beleschlånt iz ingetretet in Groaz Kriage: vor ditza soinda khent augelek zen tang – von 22 vo madjo sin atz 2 vo sunjo – voll trèff un apuntamente getoalt gerècht fra alle di drai lentar vodar Zimbar Hoachebene boda håm duchgemach 'z kriage un boda, vo di sèlln vür, soin khent gåntz stravodjart. Atz 24 vo madjo, in an sunnta, ma bartse vennen propio atz Lusérn: “Bombe su Luserna” izta khent gerüaft disan tage boma bart machan a miss in Platz bodada iz gest da alt kirch, distrüdjart vonar granat lai di earstn tang vo kriage.
In tages anvetze bartma mang gian zo macha zboa tritt affon staige von Groaz Kriage, dalle Storie alle Storie, boda rift finn au affon Obarforte un boda kontart vo bia di Lusérnar håm durchgemacht di sèlln djardar. Daz gelaichege bart khemmen bidar hergerichtet atz zboa vo sunjo. Sichar eppaz nètt zo vorliara azpar bölln gidenkhan un lem allz daz birsarste boda håm durch gemocht machan ünsarne nóne.

Andrea Zotti


Vita Trentina, venerdì 24 aprile 2015
Bombe su Luserna